حكاية دمعة(بقلم المبدعة:::ميسون محمد شعبان)

حكاية دمعة

كنت سارحة وعيوني
يملاوها دموع
تخيلت اني 
طفله ودمعتي
تتساقط وسألتها
انتي دموع زعل ؟..
عم تنزل دموع وابكي؟..
وهززت براسي
وخرجت الآه مكسورة
والدموع لم تعد ماسورة
وتناثر الحنين لايام
ليش عم ابكي؟…
قالتها رووح الطفله بي
وكاني اجبتها بزفرة الم
رح احكيلك
وأخدني السؤال لبعيد
أديش كان عنا قصص
نحكيها لولادنا ونقلهم
عن حب زمان ألفة زمان
هلا أولادنا فكركم
رح يحكوا لاولادهم
قصص زينا لا لا لا
شو رح يقولوا الهم
وشو رح يخبروهم ؟…
يحكولهم مين الغدر
ومين الي خان
يحكولهم قصة شعب
بدينة كفر وبالنت والغناء فجر
ولا عن صرخة حريه قامت
شو بدهم يحكوا
عن شعوب مخدرة الكترونيا
ولا عن شعوب
اندبحت بطمع السلطه
ولا عن شعب باسم الدين
بيتغنى كذب ونفاق
وبأسم العلم الملصق لصق
يتعلمون ولا يفقهون
ولا يحكولهم عن فقر
وعن لقمة خبز صارت حلم
وكلمة أمان صارت وهم
ولا عن بلاد خربت حجارا
ودم شعبها صار هو أنهارا
ولا عن غربه ولادنا
وذل المتعلمين بالغربه
وعلمهم مو النا لغيرنا
ولا عن أهل ما بيعرفوا حد
وولا على ابواب جيران
ما بيسالوا عن بعض
عن شو رح يحكولهم
عن القهر المزروع بخيمه
ولا عن ليل وعتم في القلب
ولا عن غيمة فيس
تجر غيمه واتس

لا يا دموعي … 
لا تخبريهم لاولادي
عن مستقبل اولادهم
وان سألوني عن سبب دموعي
رح اجاوبهم بصمت وحرف
هي حبة تراب مرت فجاة
دخلت بعين حن لتراب الوطن .
-------- وردة البنفسج ---------