تبات عينى تعاتبها
..
و يآما رضيت بموالى
و لو بالعين مدامعها
..
تبات الكلمه تتنهد
و ينبض قلب يشكيلها
..
أقول تعبان هاتتبغدد
يا ريت بدموعى أحكيلها
..
و لو بالفكر أتودد
لرمش و كحلة مكاحلها
..
كتير الكلمه موجوعه
ما ترضى إنى اغنيلها
..
تبات الكلمه مصنوعه
و انا الرسام أحِنّلها
..
يا ريت أوجاعى تتبدد
أنا الكاره مفاتنها
..
أنا البنا فى أحوالى
صورها كتير و باسكنها
..
عِشش وقصور أنا العاشق
أكون نحات تماثيلها
..
أكون رسام و مش فارق
لو الألوان تغازلها
..
و بالخلخال بتتعايق
و انا يعجبنى خُلخالها
..
كتير الكلمه بتريح
كتير الناس تجادلها
..
كتير تعصانى ما تريح
و لو ضحكت قناديلها
..
سطور جواها أنا عايش
و صوت أمى بيدعيلها
..
بلمسة إيد تطمنى
و نفس السطر يشكيلها
..
و ابويا لسه انا فاكر
ساعات بالحب عايشينها
..
بندعى للى يوم فارق
و ندعى للى جايينها
..
و اخويا عُمرى ما بعتو
و أخت الهم طايلها
..
و إبنى لما انا شيلتو
و إيد لسانا فاكرينها
..
عـلى السبوره بالكلمه
بتسقى زرعه عاشقنها
..
و نفس الكلمه بتدمر
عقول تحرق مواطنها
..
لا فـتنـتهم بتتذمر
و لا أحوالى تعجبها
..
كتاب المولى فيه كلمه
صراط و السكه هاجرينها
..
قوافى بإبره ملضومه
عيدان الخير سنابلها
..
ميزان و الكلمه منصوبه
و بعض الناس مواولها
..
تبات تبكى كما حالى
و دنيا بهمِّ عايشنها
..
يا عم عيوبى مرصوده
أمانه لِبنتى تدعيلها
..
أمانه عليك تفرحها
و جوا الدمع طمّنها
..
أمانه عليك لتدعيلها
دا جوا الدمع موطنها
من ديوان على باب الدنيا .. مسجله و خاضعه لحقوق الملكيه الفكريه
0 التعليقات
