كلام ما بينا / بقلم ... محمد لبيب مصيلحى

 كلام ما بينا / بقلم ... محمد لبيب مصيلحى

&&&& كلام ما بينا &&&&&

*******************

بصى شوفى يا ست هانم

ياللى حسانى معاكى ظالم

قلبى حبك وبيكى دايب

ومشتاق ليكى وربى عالم

مهما أكتب أنى بحبك

ولسان حالى يقول عشقتك

رافعه ليا فى المظالم

وتشكى فيا أنى كرهتك

عملت أسمك عنوان قصيدتى

دلعت فيكى وياريت فهمتى

سيبانى وحدى أغنى أسمك

وأعشق هواكى واقول حبيبتى

لما اسألك روحتى فيـــن

تقولى أيوه بين العنين

وأنتى أنتى زى ما أنتـــى

تقولى أنت اللى رحت فيـــن

أصرخ وأضحك وأشد شعرى

شيفانى عاشق والكل جنبـــى

وأنا اللى بيكى عايش حياتى

ساكنة عمرى ساكنة دمى

دايما تسألنى أيه الحكاية 

صورية معايا من البداية

وأنت أنت زى ما أنت

حكايتك حكاية ملهاش نهاية

دايما تشك وسريع الكلام

ودايما ناسى انى الغرام

اللى بيه لسانك بيحكى

وأنت صاحى وفى المنام

أصحى يا عم بلاش عتاب

ولا تشفــى فينا العزاب

حبك عندى هو هو

ومكتوب حروفنا على كل باب

قرب تعالى كلم بناتى

اللى انت وهما فى حياتى

بيكم انا عايشة فى سعادة

وبيكم أعيش ليوم مماتى

.............................

بقلم ... محمد لبيب مصيلحى