ويهب صوت الربيع / رفيق القلم : سيد صميده

ويهب صوت الربيع لاخضر ااقول سلامات
اهلا ومرحب بيك يا ابو الحكايات
احكى لى وانشد قبل الخريف ما يعود
ينشف الورقه ويحنى فينا العود
ويسرق الفرح اللى جاى يلاقيك
احكى وغربلى الكلام والقول
وانشد غرامك ويلا قول
ويهب صوت الشتا تنزل هنا طوبه
الزمهرير اللى اخدنى بعقوبه
من قبل ما اذنب وقبل ما افعل شى
كان يا ماكان ايام نسيم الشيب
سكن جدارى وماحد قاله عيب
سيب الولا يلعب ويلهوا يومين
وبلاش سجون العجز اللى جايه معاك
دار المدار وعدى بيا الحول
وكانه مركب بيطوف البحور بيا
مسجون فى سجن الشيب اللى كان ليا
سجان وسجن وجلاد الليالى الشين
هل النسيم ع البر قالى عواف
متغير السحنه والقلب منه خاف
اتاريه رسول النهايه اللى انا نسيته
قابض على كفى والحلم ما لقيته
الا اما صرت على فرشتى سهران
رفيق القلم
 سيد صميده