يلي ساكن بالوجدان / بقلمي : ملك الأصفر
السلام عليكم ورحمة الله تعالى وبركاته
قطعة شعرية ... باللهجة العامية الشامية ... بعنوان ... يلي ساكن بالوجدان ... بقلمي ...
..................................................
يلي ساكن بالوجدان
وعم تجول بشرياني
غيرك ما بهوى انسان
ولا بعشق غيرك تاني
حارم دوم عيوني النوم
واسمك هوة عنواني
كتبتو وحفرتو بالقلب
متل اسمي وايماني
................
إسمك عشفافي غنية
عم اصدح فيها يومية
إنت الزهرات ال عالغصن
غرقانة بالعطر ندية
يا شمسي ونور الصباح
عم تضوي من الصبحية
إنت للفرح عنوان
وإنت أحلامي الوردية
...................................
ملك الأصفر