كم الف عام للشاعر المصري /احمد ابراهيم

كم الف عام للشاعر المصري /احمد ابراهيم
الشاعر المصري احمد ابراهيم·26 مايو، 2016
الشاعر المصري احمد ابراهيم
***************************
فى قصيدة (كم الف عام) من اروع القصائد
*****************************
انتى حلمك شئ كبير
ده انتى جاريه
فى أرض بيرّة
والفتات حبة أمل والأمل
صابه الخريف والرغيف
أصبح فتات لما بات
الليل مظلم ع الحيطان
والزمان رجع الزمان
الف عام و انتى باكية
م ا للى خان
وانتي وقفه ع البيبان
تتسولي متعصبه
متقيدة مقفوله جواكى البيبان
مش قدرة حتى تصرخي
صرخة أذان
متجمعه فيكى الصفوف
لكن اذانك ده سراب
مكسيه فيكى الف شجرة
مكسيه خوف
اه واه متفرقة فيكى الصفوف
الفرض فيكى ركعة واحدة
متسرعه ولا يوم بيكملك أذان
والفجر واقف بس خايف
والديب بيطلع فى الظلام
ابراج حمام
هاجر حمامها من زمان
والزرع ميّت
من ألف عام
قصة قرون لما افترى
وقال انا
عملت كنزي بأيدي انا
والخسف درس للى جاي
عشان يخاف
من بعد منه يكون عظه
فرعون وموسي والعصا
فرعون ونادي ع الصفوف
والزينة يومها عيد كبير
والسحرة بين أيادي ربهم مستنين
ينادي فرعون ربهم
ارموعصاكم كلكم
فرعون وقال ارمي
يا موسي العصا
تعبان كبير اتحولت
اكلت عصاهم كلهم
السحرة سجدو لرب موسي كلهم
فرعون بيحرق كل شئ
غرقان فطيس واليم كان درس كبير
نمرود كمان عاش زيهم
اخدود ونار كام حرق
لكن مالوش اى ذكرى
هو مين ملعون ذليل
والتاريخ من الف عام
وعام وعام بيسطر
الماضى ف سطور
بيسطر الحاضر سطور
متجمعه والله فيها الحروف
والصفوف متفرقه
رغم الاذان بينادي ترجع الصفوف
والديب مخوّف العيال
والليل بيسكن المزارع
والحواري والغيطان
متقيدة فيكى الحروف
متفرقه فيكى الصفوف
متغربه فيكى اللى بات
انسان غريب فوق الرصيف
محتاج لحبه من فتات فتات رغيف
وانتى قاعدة مدمّعه دمّعى او اصرخي
الوقت فات والوضع عام كم الف عام
وانتى لسه بتصرخي اصرخى اصرخى
**************************************
بقلم الشاعر المصري/احمد ابراهيم