(إسمع) بقلم /الشاعره .. زارا المصطفى
السلام عليكم ورحمة الله تعالى وبركاته
(إسمع) بقلم /الشاعره .. زارا المصطفى |
(إسمع)
.............
إسمع يا واد عمي الكلام الزين
كلام غالي
ينكتب بدموع العين
الناس معادن
وأصلها من الطين
ناس ذهب
وناس فضه
وناس ما تنخلع من الرجلين
وناس أدبها جم
وناس زي الهم
وناس كلمتها
تشبه الموازين
وناس تانيه عقولها خربانة
تصاحبها
تعديك كأنها كلاب جربانه
وآخرتها
مستشفى المجانين
إسمع يا ولدي
والكلام ثمين
لا تصاحب الندل
ولا الخاينين
ولو أبوك ضربك كف
قوله يا ابا خليه كفين
أبوك أصله خايف عليك
ولو طال النجوم يعطيك
أفهم يا ولدي
لتعيش حزين
رضا الرب واجب
وعليه هنتحاسب
ورضاه من رضا الوالدين
وأسمع يا ولدي
وخليك زين
الفتن ده عيبه
وكمان وياه الغيبه
وقليل الأصل فيه التينين
....................
بقلم /الشاعره .. زارا المصطفى
نسخ الرابط | |
نسخ للمواقع |