بهرب منك /// لفيفى سعيد محمود( فيفى شرارة)
السلام عليكم ورحمة الله تعالى وبركاته
بهرب منك
لفيفى سعيد محمود( فيفى شرارة)
بهرب منك غصب عنى
بهرب من الوعد المستنى
ولانى بحبك فضلت اهرب
قبل الحلم ما يفوق منى
قبل دموعى ما تطفى شموعى
قبل ما اتوه ومقدرش ارجع
عارفة نهايتى قبل بدايتى
ودايما قلبى اللى بيتقطع
بهرب منك
بهرب منك علشان الاقيك
بابعد وانا فاكرانى عنيك
خلينى ذكرى تفضل فاكره
مهما بكره جه ينسيك
وما تزعلشى منى
لأنى بهرب غصب عنى
بهرب منك
بابعد ومش بايدى اسامحك
خايفة بايدى ينزف جرحك
تاه الطريق من الطريق
والجرح هيوصل قبل فرحك
وما تزعلشى منى
لأنى بهرب غصب عنى
نسخ الرابط | |
نسخ للمواقع |