شيلنا كَفَنا (للشاعرة:::صفاء عبد ربه)

شيلنا كَفَنا (للشاعرة:::صفاء عبد ربه)

شيلنا كَفَنا 
*********
شيلنا كَفَنا علي إيدينا 
وإتغَسِلنا بدمع عينينا
للموت خلاص سَلِمنا 
كل كيانا وجوارحنا
ماإحنا بالظُلم أمِنا
إتمنينا بكره يكون أحلي
أتاريه أقسيَّ من إمبارحه
الأحزان ياما كثير طارحه
والغدر قَتل جوانا الفرحه
قولنا كفايه يادنيا علينا
م المر ياما سقتينا
وكمان كان بإيدينا
شيلنا كَفَنا علي إيدينا
وإتغَسِلنا بدمع عينينا
للموت خلاص سَلِمنا
كل كيانا وجوارحنا
ماإحنا بالظُلم أمِنا
ياما فيكي حفرنا الصخر
وقلوبنا تئن من القهر
يلا يادنيا نَسينا وإنسيِ
ماتخلي فيكي ولا إسمي
يلا يا دنيا دوسي علينا
قد مابنحبك وغاليه علينا
دوسي وشمتي فينا الناس
ماإنتِ يادنيا بيعتي خلاص
كنا زمان إيدنا تنباس
دلوقتي بقينا ننداس
شيلنا كَفَنا علي إيدينا
وإتغَسِلنا بدمع عينينا
للموت خلاص سَلِمنا
كل كيانا وجوارحنا
ماإحنا بالظُلم أمِنا

صفاء عبد ربه