شهقة طريق / للشاعرة أمل فرج

شهقة طريق / للشاعرة أمل فرج

من ديوانى (ضفاير عشق) 
..............................
....شهقة طريق ....
........................
لما تسحب روحي منى 
غصب عنى ..بالهداوة
هات لى كاس دوب لى فيه 
كل اقراص الاهات
كل حبات الوجع
حتى ايام السهر
اللى عدت كالسنين
اوعى تنسى .. الحنين
ويا حبة ملح قسوه 
اصله ديما زى نار .
واوعى تنسى
ارمى فيها جمر وعدك
اللى كل رشفه منه
جوه صدرى تبقى أهه 
والبرود لمشاعرى ديما 
والحقيقة
ويا شريان ليك بيهرب
ب اشتياقى 
واسقيهم لى بالهداوة ..
واللى راح يتبقى منه 
بالوداع قلّب كويس 
عتق الكاس وابقى كيس 
كل هاجس قالى مرة انه حبك .
قصقص الرمش اللى شابك
ويا رمشك
اصله شافك
ويا نزف جراح بتنده 
بردوا اسمك 
وارميهوملى بشقهة منك ع الطريق
واوعى تنسى سم حسك 
ابقى اخرس سمّك انت 
اللى سمم كل حته
جوة منى سكنت فيها
بس سيب فى القلب حته 
تفتكرلك كل كلمة 
لجل قلبى مافيهش حته
لسه حيه
جوه منى تفتكرنى ..