(ياتاج الماس) للشاعرة سهير بدران ؛؛؛

(((((((((ياتاج الماس)))))))))

وبحكيله ويحكيلي
وبشكيله ويشكيلي
وهمه هو من همي
وزادي هو و راسمالي
وإن مره أقول الآه
يقولها قبل مااقولها
وضي العين وقول نورها
وروحي الغاليه وغناها
يسيب نفسه كتير مرضان
وعندي أنا يكون تعبان لو شاف الدمعه ف عيوني
يحس مابيا من عيني
ويحط إيده علي جبيني
ويقول ياريتني ياغاليه ف مكانك
ياريت يصيبني ماصابك
وانا أقولله ياغالي داإنت الروح ودوايا
وإنت منايا وغنايا
ولو الفرحه مالكون خلصت
كفايه انت تكون سعدي
ومنجم عشقي وجواهري
وتاجي وقلبي وزينة عمري
وقوللي إيه فاضل علشان في الروح أشيلهولك
وتاج الماس هديتهولك
يازينتي وودي وغنايا
وأيام العمر وهنايا
وعمري لما تحكيلي
لااقولك بس ولا كفايه
ولما لما تشكيلي
أقولك شكوتك جرحي
وعندي دواها ودوايا
واشيل الآهه من عينك
لجل لاتحزن واشوف الآهه في سمايا
يانجمه وطارحه أمل إوعي تزعلني عليك
دا زعلك هو فوق طاقتي......ولا اتحملشي
ياطاقه مالسعاده
إوعي تخبي عينيك
لا نجوم عمري تموت قبل ماتطرح في سما ليلي