(( ما بتعلمش )) محمد عطيه محمد

رباعيات الأحزان (( ما بتعلمش ))
( للحزن في قلبي مكان)

ما بتعلمش من الدنيا .. . .. ما بتعلمش

يخونوا الناس وأعيش ليهم .. . .. ما بتعلمش

يبعوني في ليل الجرح ...

وأكون ليهم في عز الفرح ...

وأسامح وأنجرح بيهم ....

وأشوف القسوه في عنيهم ....

خساره حبنا ليهم ........... ما بتعلمش

ما بتعلمش من الدنيا ...... ما بتعلمش

أعيش الجرح ميت مره ..... وما كلمش

يبات الدمع في عيوني ....

جراحي وهمي سجنوني ....

يبان الحزن في ملامحي ....

ما عتشي حاجه تفرحني ....

وطعم المر في ليساني ......

وآهاتي وحزني والآمي ......

خطاوي الغربة وخداني .... ما بتعلمش

كلمات الصدق
فارس الليل الحزين
محمد عطيه محمد
8/8/2016