سعيكم مشكور / بقلم الأديبة ::: دينا رجب صالح ؛؛؛

سعيكم مشكور
***********
بتقول قلبي ماله وأنت بأديك دبحته
سيب قلبي في حاله مش خلاص جرحته
ولا قاتل قتيل وجاي تمشي في جنازته
لالا بطمنك
مش رايح أمكنك
والقلب اللي أنت خنته بعد ماكان مسكنك
باع أرضك خلاص ماعدتش في حيازته
يعني ماعدلوش صفه
لماضيك كله نفي
حتي الم الصدمه
زال عنه وأختفي
جاي طالب ألتمكين....علي أيه قولي يامسكين
قضيتك خسرانه.......من أول جلستين
ماعدليش بيك حيازه
مالكش عندي عازه
مت خلاص في نظري
وأتشيعت الجنازه
سعيكم مشكور
خدت العزاء ع القبور
وعدت السنويه......بتاعتك من شهور
يعني ماضيك خلاص من بالي مسحته
بتقول قلبي ماله قلبي عايش براحته
**************************************************************************
دينا رجب صالح 
م.ش.ع