غلطـــــــة / للشاعر المبدع ::: محمد توفيق ؛؛؛

غلطـــــــة
--------------.
كُنتِ غلطة في حياتي 
كُنت غلطة في حياتك
كُنتِ أصغر من أمالي
كُنت أكبر من أمالك
مستحيل الشيء وضده
يبقوا أصلاً يوم حبايب
هي نزوة
وفوقت منها من سنين
كنت بحلم بالمحبة
كنت بحلم بالحنين
كنت شارد
كنت بحلم بالحياة
كنت غرقان في وجودك
كنت فاكرك طوق نجاه
كنت حاسس بالخيانة
وياما رفضت الملامة
ولما حسيت بالمهانة
انسحبت في هدوء
وقولت فوق حبي الكرامة
وهى غلطة
-----------.
هي فترة من حَياتَك 
هي لحظة من الأنين
داوى ياقلبى جراحك
وعيش حياتك..
هي مين!!
اللي فاكرة الحب لعبة
واللي كل حياتها صعبة
وبسهولة تعيش وتهوى
حب تانى ييجى سهوه
وتنسا الحب القديم!!
أصحي ياقلبى بصراحة
البعاد عن حُبه راحة
وإحنا بعده مكملين
وهو ده حكم السنين
وهى غلطـــــــة
-------------.
لو في يوم خبط عليا
وقاللى مش وحشاك عينيه
أنت أتغيرت ليه؟!
مش هجاوب وراح أسيبه
وأنسا إني في يوم حبيبه
وأسيب مَاضيه يجاوب عليه
ذى ما أحترنا ليالى
وحُبه عاش سنين في بالى
راح أقسى بقلبي عليه
هي غلطه تعطى قلبك
للي ما يقدرش حبك
واللي خان قربك وودك
إوعى تبكى في يوم عليه
قوللى ليه تبكى عليه
وهي غلطــــــة
--------------.
شعر/ محمد توفيق