حبيب الروح_بقلم/محمد مغاورى

حبيب الروح_بقلم/محمد مغاورى

من ديوانى فى العاميه
قصيده بعنوان((حبيب الروح))
بقلمى ...محمد مغاورى
_______________________
فى يوم عدّت على فكره
بقالها كتير مخبيه على بكره
جناح الذل فى عنيها
وعقد الفل متبعتر .......حواليها
وكان ليها كما العصفور
نصيب فى النور..يحاكيها..ويحكيها
حواليها......طرح إنسان
بألف لسان بيتكلم عن الإحسان
عن العرفان
عن الوجدان دا بيعلم حكاياته
وللمعروف ده كان موصوف
وكان ملهوف يكون صانع ..لهالاته
وكان حالم .وكان عالم
وكان فاهم 
بأن الدنيا مش دايمه
على حاله
وإن الخلق........ رحاله
فكان راضى بكل نصيب
منين ماتصيب سهام الغيب........... يقابلها
بكام ترحاب وعلى الابواب 
يسلمها حدود الذات
.........................
فى يوم بالذات ...هدم لذّات شروق الفرحه فى عنيها
غروب من فات .........وكان ودّع أراضيها
وساب ليها من الأحزان ..بداياته
وكان قاضى وكان جلاد
وكان راضى يلف بلاد.. تقاضيها
ويسقيها من المقدور مراراته
وأناته..
ولو فاتوا على ذكرى يقول هاتوا
من النسيان علاماته
وصبوها خلال الروح
........................................
ضمير مجروح .........بيتألم
وزاد الرحله فى الوحله مااتكلم
وبيعلّم حروف الآاااه معانيها
وبيلحن أغانيها
ويمحيها من النسيان..وبالنكران يهاديها
ويديها من الحرمان علاماته
بإن الماضى لو راضى ماكان فرّط فى راياته
وشافت موتها بيقرب
بتترقص بداياته
ولاتنقص ألام الضلع والضايع من الأحلام
مع الأيام
بتتمدد مسافاته
ويتشقق ثبات الروح مع المجروح
فى أرض النوح..بتتكون صور أشباح
من الأفراح ..بتستهزأ
ولاتعشق سكوووووون الروح
منين ماتروح .......يلاعبها 
جنون الحيره من أمره
فبتحاصر مع الفكره اللى لاقيتها ....فى وجدانى
فبلقانى .وحيد الفكر والمسكن
ومتمكن وبتسمى..حبيب الروح