شفايفي مصدر ضحكتي_بقلم/فداء نعيم زيدان

شفايفي مصدر ضحكتي_بقلم/فداء نعيم زيدان 

شفايفي مصدر ضحكتي

وأنا قلبي منها بريـئ

والدنيا دي مش دنيتي

مع إني فيها جريـئ

لا الماضي كان فيه بسمتي

ولا حاضري جفِّف دمعتي

وأهو عمر بيعدّي

************

عايش وحيد من غير صديق

عايش في جنة غربتي

تقدر تقول جنـة ونـار

جنة هدوء وسكون وليل

ونـار بألـف نـــار ونـــار

تـايه أنـا ، تعبـان أنـا

إيه يعني لمّا أتوجع

ما هو عمر وبيعدّي

************

وشربت كاس مش أي كاس

كاس الأسى وملهوش مثيل

والطعم لسّا بحسّ بيه

وبغنّي فيه مواويل :

إيه يعني لمّا أتخدع

في أهلي وصحابي

شالوا على كتافهم تابوتي

وأنا لسّا فيه صاحي

وفضلت أنادي بعلو صوتي

يا عزوتي وناسي :

مستعجلين لدفني ليه

وف العمر باقي أدّ إيه

إفتحوا باب التابوت

وحسّوا أنفاسي

************

قالوا خلاص راحت عليك

جاه وقت فيه ترتاح

غمّض عنيك وإرتاح خلاص

عايزيين بقى نرتاح

************

نِسْيوا إني كنت يوم

أعز أحبابهم

ياما بكيت على حزنهم

وياما سِمعْتلهم

وكنت أول شخص أهنّي

بعزِّ أفراحهم

وألعب وأداري

واخبي ناري

دي شفايفي مصدر ضحكتي

وأنا قلبي منها بريـئ

************

إيه يعني لمّا أتوِجِعْ

منك يا أغلى صديق

إيه يعني لمّا أتحِرمْ

حضنك أنا يمّا

إيه يعني لمّا أتمِنِعْ

من خدمتك يمّا

إيه يعني جارة

ويعني حارة

إيه يعني كعك العيد

إيه يعني لمِّةْ عيلة حلوة

على صفرتك يمّا !

ماهو كلّو ماشي

ياعم ماشي

أهو عمر وبيعدِّي

************

شفايفي مصدر ضحكتي

وأنا قلبي منها بريـئ

شالوا على كتافهم تابوتي

وأنا لسّا فيه صاحي

************

مايهمُّكوش مني خلاص

عيشوا بأمان من غير هموم

من غير زعل وخصام ولوم

وإن كان عليّا تِحْرَمْ عليّا

جنِّةِ الخِلان

بس ابقوا إسقوا ورودي اللي

زرعتها بإيدي

في جنينة أبويا اللي يمكن

لسّـاه كمان صاحي !

وإزاي تكون الضحكة صادقة

وكل ده بِيّا ؟

دي شفايفي حاسّة بضحكتي

وأنا قلبي منها بريـئ

**********

بقلم: فداء نعيم زيدان