بحبها / للشاعر عونى هشام

بحبها / للشاعر عونى هشام

بحبها

=========

بتحبها

حبيتها قبلك وهابقى بعدك 

الحب عندى من سنين

عشقتها 

طب سيبتها تبكى ورحت تعشق 

تانى فين

خايف اقول 

انك خدعت الناس يروحوا عنها 

وتعوم فى بحرالحب 

هما عطشانين

مين زيها مين ادها 

دا هيا نبض الروح 

وساكنه القلب عندى ونن عين

اياك تقرب منها 

اياك تدوس على طرفها 

فيها فوارس الرب حارس 

شوف امامك يبقى مين

اياك تقول انى فقير اقوم ابيع لك عرضها

اياك تقول انى ضعيف 

اسيبك 

تفوت من ارضها

دى حبيبتى وانت كرهتا 

اياك فاكرنا مرشدين

الرمله تبر فى ارضها 

والعين بترخص لاجلها

مسلم مسيحى ابنها 

طب قول لى امك تبقى مين

هيا اشتراتك بعتها 

وزرعت ارهاب مأجورين

ليه جيبت فيها كوم ديابه 

معقوله ديب يحرس جنين

ماشى تسبح بالتلاوه

كنت فاكرك يوم امين

العين عليك روح يا شاطر

كنت فاكرنا غفلانين

دى بلدى والتاريخ مذاكر

دى حضارة ياااااه من سنين

اللى ناوى يعيش هنا

فرض عين يحبها

دى بهيه حاضنه لابنها

وتأدبه كدا كل حين

بحبها وبحبها

لو حد زيى حبها

يبقى دا مصرى شرع دين

==============

عونى هشام