أرفض دموعك _ بقلم نجلة قطبيحيى خضر

أرفض دموعك _ بقلم نجلة قطب

السلام عليكم ورحمة الله تعالى وبركاته

ارفض دموعك
......
أسفه مش ح أنسى الاسيه
لما اشوف دمعة عنيك
أسفه مش ح أنسى إللى بيا
من جراح صنعة ايديك
قلبى سامحك الف مره
وكل مره تزيد عذاب
وزى موج البحر غادر
والوعود وهم وسراب
النهارده ح اقولها واسمع
قلبى كان حبك وتاب
مش ها عيد الماضي تانى
ح اتركه ورا الف باب
مهما كان أسباب شرودى
وضعف عودى ح أودعك
وارفض أكون سطر فى عيوبك
أو صفاتك وأخدعك
إلا الكرامه تمسها تهزها
من حقى لازم أمنعك
وارفض دموعك تعتذر
وارفض بقلبى أسمعك