ضعت منِّك _ بقلم/ أشرف فؤاد السمادونى
السلام عليكم ورحمة الله تعالى وبركاته
.......((( ضعت منِّك )))
***************************
مش لاقى نفسى ف عينِك
باين ........ خرجت منها
وشايف كمان...... حنينك
شكلُّه خانِك ...... وخانها
***************************
الفجر طل ....... ولاح
ف عيون أكيد .. تانيه
تستاهل ........ الأفراح
تستاهل ........ الدُنيا
***************************
اللى بيخون ..... حبيبُه
يخسر كمان ... نفسُّه
اللى يضيَّع ..... نصيبُه
عُمره ما يوم .. حَسُّه
***************************
من غدر حُبِك .. انا اتعلمت
انى أكون دايماً ... جاهز
لو منى راح أو منِك ضعت
بقى أى شئ .عندِك جايز
***************************
مش لاقى نفسى ف عينِك
باين ........ خرجت منها
وشايف كمان...... حنينك
شكلُّه خانِك ...... وخانها
****************************
الأديب الشاعر / أشرف فؤاد السمادونى
| نسخ الرابط | |
| نسخ للمواقع |
0 التعليقات
