متودعيش _ بقلم / رمضان العلالقة

متودعيش

♡♡♡♡♡

لو تبعدي متودعيش

انا ليك ♡

و غيرك مش بعيش

كل الحياة بتكون ضباب 

فيها الحنين اسباب دموع

و يفيد بايه يعني الوداع

ايه الجديد غير العذاب

ارجوك بلاش متقلبيش

و إن كان علي بين الضلوع

القلب مات كان ليه يعيش

روحي لقلبك كلميه

مين اللي حبك اسأليه

هاين عليه كل الحاجات

و يعيش يحب الدنيا ليه

معدش فيه غير الاهات 

قلبي اللي حبك عذبيه

الماضي قبلك كله راح

و معاه أنين لون الجراح 

قولي لقبك فهميه

ليه هان عليه قلبي اللي مات

كان فيها ايه لو تزرعيه

أشجار ورود و أنهار حنان

ليه قولتي كنا كان و كان

حتى الزمان بتغيريه

فين هتلاقيه قلبي الأمان

جمر الفراق من نار هواه

انا بيك بحبك و افتكر 

ما انساك و دا حكم القدر

كل البشر ما يهزونيش

رغم الجراح و اني في خطر

متغيرش طعم الحياة

قلبي اللي تاه رافض يعيش

رافض اصم م الحجر

ميغيروش رعد و مطر

قلبي في ايدك و اسأليه

ان كان لغيرك اكسريه

انتي الجرح من دمعي آه

انتي في قلبي ♡ و منتهاه

روحي و بلاه قلبي الحزين

قلبي اللي مات هيعيش لمين ؟

هيعيش علي جرح و أنين 

ليه كنتي عايزة ترجعيه

ليه كنتي ناويه تحيي فيه

كلمة و نسيها من سنين

كلمة وداع لاء متقوليش

يا ريتني شفتك قلبهم

كل البشر مش زيهم 

و لا كان في بالي إنهم

من جرح قلبي يسخروا

أنياب في غابة تضمهم

انتي الملاك و انتي الخلود

لو كان بايدي اعبر حدود

امشي لبلاد ما فيها صوت

مسمعش غيرك في الوجود

كل السدود متهمنيش

متعذبيش قلبي بأيديك

قلبي اللي حبك مش ناسيك

لو تبعدي و مترجعيش

بعدك حياتي متساويش

يا ريتني بعدك كنت أموت

♡♡♡♡♡♡♡♡♡♡

بقلم / رمضان العلالقة