.بحق محمد..وصبر الخليل _ الشاعر ابراهيم القاضي...2005/4/12
السلام عليكم ورحمة الله تعالى وبركاته
ةةة...بحق محمد..وصبر الخليل...ةةة
*****
يا مصر يا غاليه..يام السواقى
يا نافره غبائى..وناكره انطوائى
وغازله المحبه..!
كسوه..لعرائى...
******
يا خابزه حنانك..
شهادة نجاحك
وزارعه ايمانك
أدانك صباحك..
يضلل عليا..يوم التلاقى!
******
يا سابقه زمانك..
زمانك زمانى..
وصهلة حصانك
فى ودنى أغانى،!
وندهة ..مرامك
تهز ف كيانى...
حبك فى دمى
وعمر ..الثوانى
يمد لإبنى..بأسمى المعانى
******
أفرد دراعى
يضلل عليكى
يكتب بهمسك
نورك وشمسك
ويرسم ملامحك
بأحلا..ما فيكى.....!
******
بحق محمد..
وصبر الخليل..
لأخضر ترابك
وأرد الجميل..
اعطر دروبك
بفكرى الجميل..
يا حاضنه ولادك
براحك طويل..
وراحتك سماحه
وحملك تقيل..
شايلك ف قلبى
وياما هشيل..
ضعف الصبايا
غربه..ورحيل.....!
*****
هضفر بعينى بنت الجيران
اجدل ضفاير لغيط العنان
ضفاير تطفى شوق الغيطان
وترمى فى كفى ...
عشق المكان
واستر بدنها..وكل اللى بان
عليا مصانها ومنها المصان
عشانك يا صابره..
يهون ..الهوان
وينشد فؤادى ..بخط الأيادى
غنوة بلادى...
فى صبحى ...ومسائى.!!
*******
الشاعر ابراهيم القاضي...2005/4/12
نسخ الرابط | |
نسخ للمواقع |