عمر ماشئ هيأثر فينا _بقلم على جامع

والقرأن اللى ف إيد أحمد

والإنجيل اللى ف إيد مينا

عمر ماشئ هيأثر فينا

ولاهايفتّت بيننا روابط

فدا وحدتنا براءة طفل اتصاب أو ظابط

واستشهادنا ان كان فى الجامع أو فى كنيسه

أحمد زى ماهوّ هايفضل

صاحب عيسى

وان كان فيه م الغرب دسيسه

أو م الشرق أيادى خبيثه

برضه هايفضل جامع مصرنا 

حاضن بين دراعاته كنيسه

ولافيه داعش يوم ترهبنا

أو إرهاب أساليبه رخيصه

طول ماحسين بيزور العدرا

ويزور حنّا الست نفيسه .

بقلم على جامع