روحه ساكنه فى الفرار_بقلم/سليمان خطاب
السلام عليكم ورحمة الله تعالى وبركاته
روحه ساكنه فى الفرار_بقلم/سليمان خطاب
روحه ساكنه فى الفرار
-------- --------------اربع مفارق للوجع
ينزل مطر من غير فطار
البرد يسرق م الدفا ضحكته
والشمس بردانه ع الجدار
والموجه اللى بتوشوش
محار الشط
وتتشاقًى ف عيون الصغار
ديلت جوًّا شرنقه
لمًّا داب الشط ف حلوق المرار
وانا اللى واقف جوًّا حلمى
بترعش بنكمش والحلم تايه
م النهار
واللى روحى ساكنه روحه
روحه ساكنه فى الفرار
غريق يا قلبي فى وحدتك
والوحده غرقانه
والميه جوَّا جوفى
مالحه وحرَّانه
كل اللى حبَّوا
اصبحوا عُشَّاق
والقلب لسه
فى سكته اشواك
ولسه فاتح للحبيب
شباك
نسخ الرابط | |
نسخ للمواقع |