أيوه قويت عليك / للمبدعة فاطمة عقل

أيوه قويت عليك / للمبدعة فاطمة عقل

أيوه قويت عليك بأساك

ياللى خاصم الشوق نجواك

إنسى فى يوم ‘نى اتمناك

ولا أعيش لو لحظة معاك 

إنت مجرد حرف فى ذكرى

إتخلص بئا من وهم الفكرة ..

مليت خلاص أعذارك وظروفك

وكرهت حتى ف خيالى أشوفك!

روح وإنسانى خلاص يا أنانى 

ياما كتير كنت بعديلك ..

وإنت بسهامك ترمينى ...

كنت أسيب الدنيا واجيلك 

ولا يوم قدرت حنينى ...

مهما هتبكى بدمع عينيك

مش راح يعطف قلبى عليك 

إرحل ولملم فى جروحك ...

ووفر سيل دموعك ونوحك 

ده القلب منك أتعلم ...

والتلميذ أصبح معلم ...

متستغربش لما الحب 

ده كله يموت بايديك 

وتبقى الجانى والظالم ..

وتعيش دور المجنى عليك!..

بقلمي: فاطمة عقل