وراق الوقت - بقلم / سليم عيسى

وراق الوقت - بقلم / سليم عيسى

وراق الوقت

مِدري عَ بالي كيف هَيك منيْ عَنّْ

فَلفَشْ كتاب نسيتْ أمس ورقاتو

ضحكت بخاطري وبان منها السِنّْ

وتدحرجت من عينها كلمات دمعاتو

بأول الصفحات دموع شوق عم تحِنّْ

لَ ليل فَلفَش النجمات ليل عتماتو

يقول يا قلب دخلك عَلَيِّ شوي كِنّْ

تعبت عيوني وطَبق النسيان حكاياتو

والسنين صارت عَ كتف قلبي تئِنّْ

خلي دمع الوقت يعوض كل ما فاتو

يا ولف ناسي ما كان هيك الظنّْ

تغَرِب الايام بأيام زهر ورداتو

شاب الشعر والقلب رتاح ب وَهِن

يفَتش ع راحة فِكر ببال ساعاتو

خَلي دروب العمر ع دروبنا تجِنّْ

تهَدهِد سكون الليل ضحكات آهاتو

نلاقي الصُبح بأوتار شَفِة بَنّْ

ونرتاح من القلق ومن كتر رحلاتو

سليم عيسى