"يامصر قومى" / للمبدعة منى عرفة

"يامصر قومى" / للمبدعة منى عرفة

"يامصر قومى"

.

يامصر..

قومى وإنهضى واتكلمى

يامصر..

قومى وإنهضى وعلمى

فين اللى كان للمجد بانى من زمان

يامصر..

إسمك عنوان اﻷمان .. 

مكتوب على جبين الزمان

يامصر..

ياللى بتاريخك.. صنعتى أمجاد أمم

وكان نهوضك.. بيعلى فيها الهمم

يامصر..

قومى وانهضى واتكلمى

يامصر..

قومى وإنهضى وعلمى

يامصر..

مجدك تاج على جبين الزمان 

فيك المحبة .. وبين ربوعك اﻷمان

يامصر..

بوﻻدك .. قدرتى تغيرى مجرى التاريخ

وتفجرى ..

ينابيع خير الوجود من غير حدود

يامصر..

قومى إرفعى راسك فى العلالى

واحنا ..

فداكى يابلادى بكل غالى..

يامصر قومى

واطلبى ..

المجد فى كل سهل وكل وادى 

أامرى .. إحنا فداكى يا بلادى ..

يامصر. . . . . قومى. . .

.

بقلم: منى عرفة

كتبت هذه الكلمات فى:21/4/2011