قالتلى عاوزه تكتبلى شعر / للشاعر هاني آدم

قالتلى عاوزه تكتبلى شعر / للشاعر هاني آدم

قالتلى عاوزه تكتبلى شعر

و اتوصى بالسجع و المجاز

علشان وحشنى غزل حروفك

و الصوره مبهمه من غير برواز

دورت فى قاموس اﻷحبه

و سبت نفسى فى حضنها حبه

مالقيتش فى الأحاسيس غير حبه

زرعتها فى عشقك اعجاز

حد يفهمها ان اﻹحساس جوايا بركان

مره بأكون طاير فوق تفاصيل الحرف جنان

و ساعات بأسكت مش قلة شوق

و لا زهد فى عشقى و أنا المعشوق

بأسكت علشان عجزت تفاصيلى

على وصفك دنيا فى مواويلى

يا صبيه بلون قلبى الملهوف

على ضمة سطر و بحر حروف

لو شاخت فى الدواوين ضمتى

هتكونى فى الشيبه ضهر و عكاز

‫#‏هانى_آدم‬