مرور العمر /// سليم عيسى..

مرور العمر

العمر عم يروح ما إلو رجعة

وراح الوقت وفَضفَص كوانين

وما عاد تنفع لا نَهدة ولا دمعة

نسينا على حفاف الشيب تشرين

وتُقرَب من الورد صدى أيار

وتنطنط الثواني عن الخمسين

وهرب نيسان ومعو أذار

شو عاد بدَّك يا وقت تخمين

ونسينا ع برد الوفا أسرار

بتحرق اسامي مرقت تلاوين

وتقول وين بعدكم وشو صار

وين الشوارع وزقاق ودكاكين

ساحات انرسمت بالعاب صغار

عم تركض خلف الهوى مجانين

دار الزمان ع حجار هاك الدار

ينطر العوافي ع خدود منتظرين

زواريب عتيقة ،دراج بالافكار

وشوح الزنابق كرمة عنب للتين

وغار الحفافي إل من الورد بيغار

يضحك ع برد وجوه منسيين

وترجع لحدّ العمر شلعة الاعمار

خُلصِت من الوقت وهِنّ بردانين

وتقلو يا وقت الناس صرنا كبار

إترك وراك الناس تحلم ب ناس مفترقين

سليم عيسى..