أُعذريني / للشاعرة صفاء عبد ربه

أُعذريني
**********
أُعذريني
أُعذريني لو دخلتي مره قلبي 
لقيتي نفسك جواه 
أعمل إيه
ماإنتِ دنيته
إنتِ هواه
وإن مرض
إنتِ ِطبيبته ودواه
أُعذريني

أُعذريني
وأُعذري القلب إللي حَبك
كُل مُناه يعيش العمر جَنبك
واللُقمه تقسميها معاه
أُعذريني

أُعذريني
في كل كلمه قولتهالك
جرحت مشاعرك ووجدانك
أُعذريني

أُعذريني
وإفتكري أيام جميله
كُنتِ فيها معايا أميره
إفتكري الحب إللي بينا
وعشرة سنين
وإمسحي من قلوبنا بالورد الأنين

إمسحي كل ذكري بينا قاسيه
وإعملي كاإن ناسيه
وتعالي نلحق عمرنا
ونعيد الفرحه تاني
قبل ماتتوه مننا
وتصبح الأحلام أماني

ويبقي تحقيقها مستحيل
ونعيش مع الليل الطويل
وم الوحشه نعاني

تعالي ياحب عمري
أحضنيني
إحتويني
نفسي أحس بالأمان

وأرتمي في حضن قلبك
أرتوي م الشوق
دفء وحنان

وإن يوم جيتي زعلتي مني
إعتبريني إبنك وإنت أمي
ماأنا منك وإنتِ مني

عاقبيني ونتسامح
وبعديها نتصافح
ونخلي بكره أجمل من إمبارح

أعذريني
وأعذري عمري إللي راح
وماتقلبي من تاني الجراح
وخلي أيامنا إللي جايه
كلها . كلها أفراح

صفاء عبد ربه