بقايا قلب...للمبدعة هدي غريب

بقايا قلب...للمبدعة هدي غريب

بقايا قلب...
كل الحروف اتبعثرت 
وخلاص خلص الكلام 
لما حبال الود بينا اتقطعت 
وحبنا بقا شئ محال..
مابقاش في شئ يجمعنا تاني 
موت فيا احساسي بيك 
ودفنت قلبي بين ضلوعي 
مافضلش شئ باقي عليك 
جفت خلاص حتي دموعي 
وان يوم حنيت وجيت بكيت 
بقا مستحيل في يوم رجوعي 
كنت لي في يوم الحبيب 
ايام ماكان ليا قلب 
كنت الدوا كنت الطبيب 
كنت الدفا ف ليل البرد 
كنت ضيي في عتمتي 
كنت حياتي ومهجتي 
اخدت مني كل شئ 
وسيبتني مع وحدتي 
مع ذكريات وبقايا قلب.. 
هدي غريب