من ديوانى (حضن الضي) (ميعاد متاخر) للشاعرة امل فرج

(ميعاد متاخر) للشاعرة امل فرج

من ديوانى (حضن الضي)
(ميعاد متاخر)
💖💖💖💖💖💖💖💖
الحب مش بنساه 
ولا هوه ينساني
مطرح مااروح بلقاه
ويقولى عجبانى
بس النهاردة بجد
يوم مختلف خالص
ماشية فى حالى امد
ولا حد بيا حاسس
بصيت لقيت الورد
عمال بيغمزلى
ايه طلعك بدرى ؟
لسة احنا فى مارس

ياورد أنا زيك
طفلة فى إحساسي
يابدر من ضيك
بكتب فى كراسي
يابحر فى ميك
غرقانة انا كلى
والحب يدينى
نشوة فى انفاسي

ياعقلى يامجنون
دا الحب طيارة
بتلف بيك الكون
من نظرة واشارة
لما البدن بيكون
مسكون بجن الحب
يظهر على وشه
بسمة وفرحانة

باعلنها ع الاشهاد
انا خلاص حبيت
لا بخاف من الحساد
ولا سحر جوة الييت
لكن انا حسيت
بميعادى جه متاخر
مضطرة اكون اسرع
مش فاضية اقول
ياريت

‫#‏امل‬-فرج