( اكتب يا قلم ) مبروك علوه
السلام عليكم ورحمة الله تعالى وبركاته
( اكتب يا قلم )
أكتب يا قلم أفكاري خواطر واشعار
سطر حزني مع همي وانزف أحبار
سطر حزني مع همي وانزف أحبار
أكتب عن صحبه كانت جنبي ليل ويا نهار
ووقت الشده باعوني وسابوني في نار
ووقت الشده باعوني وسابوني في نار
أكتب عن بشر قلوبهم صخر وأحجار
وعن الجار اللي تمللي يأذي في الجار
وعن الجار اللي تمللي يأذي في الجار
أكتب عن ناس ذمتهم صبحت إيجار
باعوا كرامتهم في مزاد بأرخص اسعار
باعوا كرامتهم في مزاد بأرخص اسعار
أكتب عن بشر في العرض بقوا تجار
وبياخدو الشرف ليهم صيت ويا شعار
وبياخدو الشرف ليهم صيت ويا شعار
أكتب عن شخصيات فاسده واساسها عار
وبين الناس عاملين إنهم صفوه واخيار
وبين الناس عاملين إنهم صفوه واخيار
اكتب عن اللي عايش نمله في شق جدار
غلبان وحياته مبهدله وطافح المرار
غلبان وحياته مبهدله وطافح المرار
اكتب عن دكتور شغال في الناس جزار
طالع واكل نازل واكل زي المنشار
طالع واكل نازل واكل زي المنشار
أكتب عن ناس خاينه ملهاش أسرار
لسانهم ديمآ بينقط مرار صبار
لسانهم ديمآ بينقط مرار صبار
أكتب يا قلم واخترق كل الأسوار
وأكسر حاجز الصمت بكل إصرار
وأكسر حاجز الصمت بكل إصرار
أكتب يا قلم أفكاري خواطر واشعار
سطر حزني مع همي وانزف أحبار
سطر حزني مع همي وانزف أحبار
☆☆☆☆☆☆☆☆☆☆؛
مبروك علوه
نسخ الرابط | |
نسخ للمواقع |