( على جمر الفراق ماشي ) الشاعر المصري / احمد ابراهيم
السلام عليكم ورحمة الله تعالى وبركاته
الشاعر المصري / احمد ابراهيم
**************************
فى قصيدة / ( على جمر الفراق ماشي )
*********************************
حبيبتى خلاص انا ماشي
ورامى كل احلامى
سراب وغياب وشوق كداب
وريح مجنونه على بابي
واقول ماشي يادنيا غريبه مش عقله
على جمرك انا ماشي وانا حافي
يذيد الحمل ومحمّل على كتافي
جبال المررياح بركان يذيد الجرح
جوايه وانا بشرب بحور المر
وتصرخ فيا اوجاعي
ويصرخ فيا صوت الصبر
ولا قادر اشق الصخر
ولا عارف فى يوم اعبر
وانا الصابر على غدر السنين المر
وبصرخ صرخة الاوجاع
ومين سامع ده جوايه الوجع واجع
جبال الصبر وانا بصبر
وايه بالايد ومتسلسل بقفل حديد
ولا قادر فى يوم اعبر
واعدي حدود سنيني تموت
وانا واقف على جمرالاهات شاكي
وعايش سكتى وحدى
وفيا الخطوة مخنوقه ومشنوقه
نجوم باكيه وطير هاجر
ومش فاكر انا عمري
ولا عارف مودّينى لفين قدري
مرار دمعى على قمري
اللى غاب منى ولا داري
سواد دامس ومتكسّرعلى بابي
بواقي حلم كان مرسوم
ومتشغبط ومتلغبط كتاب مكتوب
ومكتوبه سطور احلامي بالمقلوب
وانا حابى على جمر الاهات باكي اه باكي
***********************************
بقلم الشاعر المصري / احمد ابراهيم
***********************************
بقلم الشاعر المصري / احمد ابراهيم
نسخ الرابط | |
نسخ للمواقع |