مونولوج ساخر / بقلم ( عونى هشام )
السلام عليكم ورحمة الله تعالى وبركاته
 |
مونولوج ساخر / بقلم ( عونى هشام ) |
مونولوج ساخر
=============== عونى هشام
شوف الواد وعمايله السوده
ال حبيب بيروح لبنات
داير يزحف زى الدوده
والجيب فاضى ما فيهش فتات
-----------------------------
راسم نفسه برسم ديوك
ونافش ريشه روح ساعد ابوك
يا ابنى اتنيل اصلك عيل
روح عيش عيشة اللى جابوك
---------------------
بالمحمول واقف يتمنظر
حتى رصيد ما عنده بقرش
كل ما بنت تعدى بينطر
وطول ماهو واقف نازل هرش
-----------------------------
تشوفه بشكله ماهواش منظر
هايف فاضى لكنه بكرش
يفك الخط طشاش مش اكتر
وسارح بين الناس بالغش
-------------------------
اوع يغرك شكله بمره
لما تشوفه ارم عليه جره
دى نوعية لشباب هايف
ويقول لك انا شغال بره
------------------------------
شايل حمل اوراق على ايده
فيها شهادات كلها ما تفيده
دى فى الطب ودى فى الذره
وحافظ سطر لسانه بيعيده
---------------------------------
مخه فاضى بدون افكار
لما تشوفه تقوم تحتار
هو الباشا جاى منين
شكله كان سريح بحمار
شوف الواد وعمايله السوده
===============
عونى هشام
| نسخ الرابط | |
| نسخ للمواقع |
0 التعليقات
