خايفه عليكى ياامصر - بقلم / صباح سالم

خايفه عليكى ياامصر - بقلم / صباح سالم

خايفه عليكى ياامصر 

تدبل ورودك ..ينكسر عودك 

تروحى بعيد وحيده وتنعى الهم 

وتعيشى بس.. بذكرى جدودك

خايفه عليكى ياامصر 

السيسى يسيبك .

.وترجعى تانى تحت رحمه محاسيبك 

اللى سرقك ولا بسلطته ضيع هيبه معاليكى

خايفه عليكى ياامصر

يتشتت العباد فيكى 

ونرجع تانى ارض مصر ماليها الدماء

يااااناس 

دى لسه دماء ولادنا متغرقه فيكى 

ا.....ه يااابلد 

ناقصها ولد بالقوه ينشر العدل 

ويعدم بالميادين الفاسقين فيكى 

ا....ه ياااابلد 

وجعنى أهاتك 

سمعاها ..شماها بعبرتك 

نهنهى يااامصر 

وإتشنهفى بإيدين االى حارسينك 

يللى ياامصر إسقطى 

أيوه اسقطى من طولك 

صامده يعنى 

خلاص إتحملى ليلك 

غيرك 

ولادك اللى مابيشبعوش وسارقين خيرك

إتحملى حراسك 

فيهم الشقى وفيهم اللى قلوبهم من أملاكك 

فيهم التقى وفيهم قليل الدين سابب أديانك 

فيهم الفقير يضحى بدمه علشانك

وفيهم الوزير اللى معطل أمجادك 

وفيهم المقاول اللى وقع عقاراتك 

وفيهم المهندس اللى بنى تاريخ يبقالك 

وفيهم الغنى اللى كسر بابك 

ونهش أبراج حمامك

طيرها على بره 

وقال مسح جوخ .. دا إحنا خدامك 

وفيهم اللى على النسوان صرف من خزينه فقراؤك 

وفيهم اللى ستر بنات وفرشلهم ديارك 

وفيهم اللى إشتغل وخد ملاليم 

يدوبك أكله وعلبه دوا والباقى عا النوت 

وفيهم اللى رمى تحت الرقصات ملايين 

وفيهم اللى إشترى فستان ب عشره ج وفيهم اللى إفترى تحت وفوق الركب 

ا...ه ياااابيه

وفيهم اللى حجز تذكره للسياحه والناس متأخره

وفيهم اللى سند الفقرا

وقال فقركم لينا معيره 

راح نصلح المسأله 

وفيهم اللى من قلبه خايف عليكى 

وفيهم بياع كلام بيتسلى بيكى 

بس دلوقتى 

إوعاكى يااامصر .تسمحى لهم 

ينالوا من معاليكى ...