الاسم مصري / للشاعرة هدي غريب
السلام عليكم ورحمة الله تعالى وبركاته
الاسم مصري / للشاعرة هدي غريب |
الاسم مصري.....
الاسم مصري
من أب مصري وأم مصريه
لا ليا اخ علماني
ولا اخت ليبراليه..
ولا ليا عم اخواني..
ولا خاله ليها في الحاجات ديه
لا فارق معايا مين يحكمني
ان كان مدني
او ابن مؤسسة عسكرية
انا المصري......
علي رزقي طالع ابتدي يومي
علي الرحمن بتوكل
وبدعيه يبعد عني همومي
كل اللي شاغلني
اعيش عيشه هنيه
احس بكرامتي
واحس بعدالة اجتماعية
انا المصري.....
اللي اخدت من نيلها الجنسيه.
ولون بشرتي اسمر
سمار الشمس البهيه..
بدور ع اللقمه الحلال
ولو هاكل كل.يوم فول وطعمية..
لا فارق معايا كوني
لابس بدله..ولا جلابية
المهم احس اني
راضي بعيشتي
واحمد ربي واطيعه
اللي باقي من العمر ليا
انا المصري
اللي عايش بسيط.
يفرح لفرح الغير ويظيط.
واعادي اللي يعادي بلدي
ولو لاخر نفس فيا...
ماانا مصري
واسمي في الشهادة مصري
وابويا مصري وامي كمان مصرية
هدي غريب
نسخ الرابط | |
نسخ للمواقع |