أ.فاطمة صالح(تكتب)صور قتل وضرب وذبح وحرق وأطفال بتموت

صور قتل
وضرب
وذبح
وحرق
وأطفال
بتموت
كفااااايه بقي
كلنا هنا بنكتب وبس
لما العالم كله بيدعي
لما المحتل نفسه هنا و بردوا بيدعي
لما احنا هنا كلنا 
مين الي يحرر أرضنا
مين الي هيحمي عرضنا
مين الي هيرحم طفلنا
مين الي هينفع شاب مراهق
من صهيوني ولا دواعش
مين الي يدافع عن أمي 
عن اختي 
عن ابني
عن دمي
عن عرضي
حد يقولي مين
بجد خلاص انا تعبت
حتي الكلام بقي بشع
هاكتب ايه
هنقول ايه
النوم طار من عيوني
والعقل وقف
وكل يوم مهذله 
ودماء بتسيل 
ونهر بيتملئ
لغاية أمتي
هتكون كدا 
اقسم بربي 
لو اتحدنا
لنجيب رؤوسهم 
تحت رجلينا 
ونعدي فوقهم
ونوريهم الي عملوه فينا
يا بشر
يا بشر
فوقوا بقي
يا سوري هارب من حصار ولا مدافع ولا رصاص
أرجع لبلدك أحمي وطنك مستني مين يجبلك حق
وانت العراق الحبيبه.. جمعي شملك
أنسي انك من طوائف لا ليكي فيها ولا ليهم فيكي
اطردي الخائن الي بينك واحرقيه وعيشي حره بأي لون وبأي دين
انت حره زي مالقيتي جدودك عيشي وانزعي قيودك 
أما فلسطين الأبية مصيبتك قويه
مش عارفه اقولك ايه تعملي 
الي داخل فيك خارج
لكن بعزكم هتكوني أقوي من الي داخل والي خارج
مش عارفه اقول ايه تاني 
لكن يا مصر انت غاليه اوي عليا
بس همك كل يوم بيزيد شويه 
أيوه فيك كل جندي خير من مائة مدافعيه
بس ناقصك الأهم 
انك تكوني فاهمه واعيه انك تشيلي شهادة جوه عقلك قبل قلبك
تتعلمي ازاي تتكلمي وانت فاهمه مش غبيه اعذريني نفسي اشوفك
أمي الغنية بالمعارف والثقافه
وكل العالم لازم يعرف أن شعبك قوي ومثقف حتي لو كان بالعاميه... 
ياوطنا العربي فوق
ياوطنا العربي فوق
وانزع القناع الأسود
وابتدي طهر القلوب
وازرع أرض الجناين 
واحصد الورد الي زاين 
أمة العرب 
تقول يا وطن
كمل طريقك واتحد وبطل هروب........

... أ. فاطمة صالح......