(بغبان) بقلم الشاعرة ::: سهير بدران

(بغبان) بقلم الشاعرة ::: سهير بدران

((((((((((((بغبان))))))))))))))

نص الكلام يتقال
نص الكلام يتحس
جوايا بغبغان عايز يقول لأ
يصرخ يقول ياقوم
إن ماشتكي العيان
علي وشه كله يبان
عايز تحسواشويه
جوايا خوف وعليل
ناقص كتير حنيه
مشواري لسه طويل
قاعد ب اعد الخطوه
لكن خطايا تقيل
علشان ناقصني الهمه
والهمه تيجي منين
راحت فين الحنيه
دانا لسه ليلي طويل
طب شفتوا بالذمه
عصفور يغني ياليل
وهو صوته إندبح
من كتر ماقال الآه
لاحد سمعه مره
ولاحد علي هواه
جوايا وجع يادنيا
بيعصر مابيا عصر
بيكوي كل مابيا
أفعال تهد الحيل
مش شايف خطوتي مودياني لفين
بقيت بضل الخطي
بقي خطايا طويل
حاسس كابوس علي قلبي
مش عارف امتي يروح؟؟؟
لابيهدي ولا يخبي
منين منه أروح ؟؟؟؟
يارب هدي مابيا
جوايا كله جروح
عايز جراحي تشفي
دانا نفسي ليله قصير
حالف ليفارقني
دا شاف معايا كتير
معدش متحمل
داداق معايا الويل
عايز جوايا يهدي
عايز نعيش في هدوء
ومنين نجيب الهداوه؟؟؟
كان حد مره قال عليك يابركان هادي؟؟؟
إن كنت مره تهدي
جوايا يهدي كمان