تايه بدور علي الحنين // خالد المنصوري

تايه بدور علي الحنين
انا تايه من سنين بدورعلي الحنين
ترمينى موجه شمال وموجة يمين
روحت وجيت وناديت ياشط انت فين؟
قالى عاوز ايه؟.قولتلو ماتعرفش انا مين؟
قالى لو مش عارفك مش هرد ولو بعد سنين
قولتله كترت اهاتى والقلب اتملى بالانين
قالى يابني عيش ده اللى راحو مش راجعين
قولتله لا راجعين انا سمعاهم هما لسه عايشين
قالى اللى راح كتير واللى باقى عند العليم
قولتلو عاوز اجرى ع الصراط المستقيم 
واشد كل حبايبى وهما فرحانين
قالى مفيش مستحيل بس انسى الماضى وانسى الانين
طيب يا شط مين ياخد قلبى الحزين
ويدينى قلب يقدر يرقص علي الرنين
تايه بدور علي الحنين
خالد المنصوري
31/7/2016