&سلمى& للشاعر المبدع ::: محمد عامر ؛؛؛

&سلمى& للشاعر المبدع :::  محمد عامر ؛؛؛

&سلمى&
تحت بند من الظروف

عاشت الطفلة البريئة

والسعادة مش حروف

لأ دى ليها مية طريقة

بس سلمى مش بإيدها

إنها تحدد مصيرها

بنت عاشت وسط بيت

زى مليون بنت غيرها

ليها ف الفرح ابتسامة

ليها ف الدنيا علامة

حلمها شئ مش مثالى

حلمها تتحب عادى

بس حالها زى حالى

أو عنادها يفوق عنادى

سلمى عاشت ف الطفولة

بنت بتحب الهزار

كام سنة ومبقتش طفلة

كان لازم تلبس خمار

لسة روح الطفلة فيها

حتى بعد سنين كتار

سلمى مش مفروض عليها

إنها تلبس نقاب

بس يكفيها حجابها

و زينة البنت الحجاب

سلمى سنجل مش مدام

لسة ف زهور الشباب

سلمى عاوزة تشوف طريقها

عاوزة تضحك عاوزة تجرى

عاوزة تلعب مش تلاقى

عريس طالبها

والمصيبة إنه واحد

زى ما تقول كان قريبها

حد خالى من المشاعر

وانكتب يبقى حبيبها

بس سلمى محبتوش

واتفرض أصلا عليها

إنها تحبه....تصونه

أو تشيله بين عنيها

إنها تكمل حياتها

اللى اصلا عايشة فيها

سلمى مش سلبية خالص

بس طاعة لرأى ابوها

كان لازم تسمع كلامه

فيها إيه لو جوزوها

هما فاكرين ان سلمى

بالجواز هيفرحوها

والحقيقة اللى هتبقى

إنهم بيحطموها...

بيقتلوها ويكسروها

واللى بان قدام عنينا

إنهم بيجوزوها

سلمى ماتت بالحيا

عايشة روح مركونة بس

جوا سجن اسمه الجواز

من بجرح قلوبها حس

فى الحياة مية ألف سلمى

والحياة بتدينا درس

حاولوا تكتشفوا الحقيقة

بنتكم مش سلعة وقف

كلنا بننهى حياتهم

تحت بند عادات وعرف

....................ولسة النهاية مجاتش

......والمشكلة دى بيقع فيها كل أب وكل أم بتنتهى حياة بنتهم بجواز قهرى وحياة قهرية وسلمى دى مثال لملايين البنات زيها يا ريت نتعلم تقبلوا تحياتى محمد عامر