( صوت الغربه ) سيد صميده

( صوت الغربه ) سيد صميده

( صوت الغربه )

بحر بيروى العطاشا وبحر بيغرق

وليل بيأوى الغلابه وليل بيفرق

وعمر قصاد العيون سارح وصار يجرى

وعمر وسط القبور سكنها من بدرى

واه وسط الصدور متحاشه ماتدرى

الا اما اه تنطلق م الصدر ف البدرى

شمس النها ر جايه والصباح باكى

من قسوة الليل كان النهار شاكى

وفوق جدار العمر حط الشعاع جناحيه

بيحضن البرد اللى شافتها عنيه

لاجل الغريب ما يرد بابه عليه

ووسط همومه يتلفلف ولا يدرا

يا دى الصباح اللى نسى الغربا

رمتهم الاه فى سكه ماتدرا

ان كان يعود الغريب منها

ولا تتوه رجليه 

والغربه سجن وقضان السجون غربه

متفصله ع الصدور محكومه بالكربه

زعق الغريب ف الليل لم حد رد عليه

مشى الغريب ف النهار اتكعبلت رجليه

سكه وفيها الغريب راحل ما عارف فين

لا بر يحمل ولا بحر يحن عليه

لا ايد بتاخد خطوته ولا سكه خايقه عليه

لكنه ماشى فى غربه كتبها زمانه عليه

ينوح بصوته الحزين والنوح الم واليم

ساكن جوانح الغريب من غير ما يعرف ليه

تنده عليه غربته من سكه للتانيه

يمشى ورا سكته وف لحظه وف ثانيه

ترميه لغربه جديد ه ما شافتهاعمره عنيه

رفيق القلم

سيد صميده