يا بلادى / للشاعر عبد الله الهوارى

 يا بلادى / للشاعر عبد الله الهوارى

ناديت بعلو صوتى يا بلادى

رجعلى صدى صوتى

لا طالب زاد ولا زواد

طالب تحيينى من موتى

يا بلاد مسكونة بيا

يا بلاد ساكنة فيا

يا بلدى يا اغنية

زى الشعر جوايا

يا ام وداية

لايامى المنسية

يا بلاد يا شبه الغربة

وانتى الاهل والصحبة

وانتى العشق والمحبة

طب ليه لهواى نساية

العمر ف هواكى راح

وهواكى ملانى جراح

وفيكى بقيت سواح

بدور ع الحكاية

تاه ف الطريق رسمى

تهت وتاه اسمى

والباقى منه مصرى

هاتخديه واللا تخليه معايا_________

_____________________

عبد الله الهوارى