يا بلادي / للشاعرة نهلة عنان بدور

يا بلادي  / للشاعرة نهلة عنان بدور

يا بلادي 

---------- 

يا بلادي عَ حُبِّكْ وعيتْ 

بصَفحة أَجدادي أسمِكْ 

قَريتْ .. 

ببيت العزّ .. لَمَّا اتْرَبِّيتْ 

كانِتْ صورتِكْ بِصَدر 

البيت .. 

يا بلادي لبسْتِكْ أيقونة 

بصَدري 

ورفَعتْ رايتِكْ وبالسَّما 

عَلِّيتْ .. 

وبأَعلى صوتي قلت 

وناديتْ 

غير ترابِكْ ما عشقتْ 

وحَبِّيتْ .. 

يابلادي يا وصية جدّي 

وبَيِّي 

فَدَاكِ أنا و أختي وخَيِّي 

ترَبِّينَا نعشَق هَوَا الحريِّة 

ولَعيونِكْ حارَبتْ ولأَجلِكْ 

ضَحِّيتْ ..

يا سورية يا أمّ التَّاريخ 

وجِدُّه 

مَهْمَا الأَعْداء .. عَلَيْكِ 

اتعَدُّوا .. 

عَنْ خَدِّكْ الدَّافي نحنا 

منصدّو .. 

بالروح نفديكِ ويحميكِ 

رَبّ البيت .. 

يا بلادي عَ حُبِّكْ أنا 

وعيتْ .. 

بيتْ الْوَطَن اللي فيه 

اتْرَبِّيتْ .. 

عَلَّمني أبجَديِّة حُبِّكْ 

وبحُبِّكْ اتعَلِّيتْ ..