وحشتني / للشاعرة هناء نوار
السلام عليكم ورحمة الله تعالى وبركاته
وحشتني / للشاعرة هناء نوار |
๑۩۞۩๑ وحشتني ๑۩۞۩๑
بقالك مدة غايب عني
يا ترى مالك ..
قلقتني !
تكونش لسة زعلان مني
و سايق دلالك ..
و عشان دا كله خاصمتني ؟
على فكرة بقا ..
وحشتني !!
عمالة أفكر فيك .. و لسة
باسأل نفسي عن أحوالك
برغم ان انت ظلمتني
تلاقيني أصلا مش على بالك
و لا فكرت تسأل عني
وانا اللي روحي ليك رايحالك
من ساعة ما انت سبتني
ما تقولّي بس ايه اللي جرالك
قوام بسرعة كرهتني ؟
نسيت خلاص إنى حبيبتك
و إنى ياما غفرت ذنبك
و كنت كل مرة تغلط ..
قلبي كان دايما يسامحك
خلاص ما بقتش تحبني ؟
دا انت اللي مني ..
و انا اللي منك
أنا الوحيدة اللي باقيالك
كفاياك قسوة .. تعبتني
تعالى يالا انا مشتاقالك
إرجع لحضني و ضمني
وحيات عنيك انا محتاجالك
بالله عليك ما تصدني
و اوعى تنسي ان اللي بيننا
مش مجرد حب عادي
أصلك انت لو نسيت ..
قلبي مش راح ينساهالك
و تبقى حقيقي صدمتني
هو إنت بجد عشقتنى ؟؟
أقولك حاجة ...
أنا خلاص قلت اللي عندي
و ما عادش باقي من الكلام
غير كلمة واحدة و هاقولهالك
إنت بـ بُعدك عني فعلا قتلتني
آه صحيح .. فكرتني
نسيت اقولك ..
إنك بجد وحشتني !!
نسخ الرابط | |
نسخ للمواقع |