مبروك علوه - يكتب /☆(فاكر لما كنت صغير)☆
السلام عليكم ورحمة الله تعالى وبركاته
مبروك علوه - يكتب /☆(فاكر لما كنت صغير)☆ |
☆(فاكر لما كنت صغير)☆
كنت زمان شغال فى المصنع
ومتبهدل والله فى الطوب
كل يوم اصحى الفجريه
وعلى الشغل انا مغصوب
وفى مره وأنا على السير
فلتت رجلى وأقوم مقلوب
صاحب الشغل بغرابه يقوللى
حرام عليك كسرت الطوب
بقا معقوله هى دي قمتى
وأنا رابط رأسى ومعصوب
ام عينيك تيجى فى عينيا
ومتخفش عليا وتخاف على الطوب
يا راجل ملعون أمها شغله
فيها العمر ضايع مش محسوب
فين الإنسان وفين قيمته
لما في قلب النار مصلوب
لما بكلمه تهد عزيمته
والقرش مكانه يكون محبوب
وفاكر لما كنت صغير
كنت يا ناس شغال في الطوب
☆☆☆☆☆☆☆☆☆☆؛
مبروك علوه
نسخ الرابط | |
نسخ للمواقع |