ناس تعمر *وناس تهد / بقلم صباح سالم
السلام عليكم ورحمة الله تعالى وبركاته
 |
ناس تعمر *وناس تهد / بقلم صباح سالم |
بقلم صباح سالم
..............************* ناس تعمر *وناس تهد *************............
مشاريع ضخمه ***يسعى بيها رئيس مصر
عشان يرجع لنا ليالينا
متعرفشى ياااااغالى
ان صوابعنا مهياش زى بعضينا
*****************
ناس تعمر وناس تهد
ناس بتجرى عشان تطير بينا
وناس تغوط فى بلاليعنا ومجارينا
وناس سهرانه مابتنامشى من خوفها علينا
وناس وجعانه بعمايلها **وبتنهش فينا
وناس بتحفر عشان تخرج م الأرض كنوزنا
وناس بفسادها وغرورها خنقتنا
وناس بالدره مستخبيه ب تعس علينا
وناس بتشرب بق ميه اسود زى النيله
وناس بتشرب كنز ومعدنيه وشوب بيره
وناس هنا قاعده بتعيد وتزيد بحكاوينا
وناس شارده من هول اللى حاصل فينا
وناس بتقول والله اصبروا **بكره دا لينا
وناس بتقول هههههه
فى المشمش أهالينا
وناس بتقول ياااااااااااعالم حنوا علينا
وناس بتقول انتم جزم تحت رجلينا
وناس بتقول مصر بدمنا نفديها
وناس بس عايشه عشان تدوس عليهم وعلينا
وناس دوما خايفه
وناس عايشه وحواليها مش شايفه
وناس بتاكل فاكهه
وناس م الأكل صارت مرضى
وناس بتشوى قلوب م القهر
وناس ياااااااااااساتر غاويه العهر
وناس يابا مالكين ملايين
وناس مش لاقيه بالمشفى حتى سرير
وناس ناعمه من لبس الحرير
وناس علم ف جتتها نومة الحصير
وناس بتحب مصر ****ومش عايزه منها حاجه
وناس عامله بتحب مصر **** ونفسها تشوفها خراب ومحتاجه
وناس يااااااااااااه قلوبها مابتصفاش
لو لجأت ليهم يعيدوا الماضى
مفيش مساعده **انت ماتسواش
وناس صافيه وقلوبها بيضا
وناس م اللى شافته
قلوبها صارت جافيه
وقلوب تيجى بالحب
عمرها ما تلين بالعافيه
وناس محتاجه حنيه
بكلمه طيبه تشيلك على راسها
وناس طبعها قاسى
فاكره كل شيئ
وجه على خيرى وعمل فيها ناسى
وناس شاركتها أكلتى ونومتى
وناس غدرت بينا وهججتنى من خيمتى
وناس قادر أغلبها لو هاجمتنى
وناس منى يوجعنى لو تحاربنى
يعنى أحارب منى ازاى
ا....ه ياربى قلبى تعبنى
أرحمنى وبحقك ***
شيل بقى عنى
بقلم / صباح سالم
| نسخ الرابط | |
| نسخ للمواقع |
0 التعليقات
