مونولوج اولاد الحاره / بقلم - عونى هشام

مونولوج اولاد الحاره / بقلم - عونى هشام

مونولوج اولاد الحاره

============= عونى هشام 

اهل الحاره يا ناس مساكين

فيها عيال زى الشياطين

فيها شبيطه وحنكش بيه

فى كل مكان هما الاتنين

عاملين غاغه فى كل عماره

لا فى زمه ولا فى دين

مره بكوره ومره خناقه

احتارنا معاهم نشكى لمين

رحنا اوام على شيخ الحاره

وجيبنا السيد ابو امين

ماهو باشكاتب كله شطاره

يرص بلاغ بكلامه الزين

عم الشيخ لبس النظاره

وقاله تعالى يا واد يا حسين

عايز حنكش ويا شيبطه

وهات لى غفير عندك قاعدين

ياغفير اسمع هات تحويطه

وخلى عينيك دايما فاتحين

هياجى اتنين قالبين الحاره

عايزك تجهز بالزنازين

بعد الساعه قول ساعتين

وصل شبيطه ومعاه حنكش

راحوا اوام على شيخ الحاره

عاملين غاغه عايزين فركش

ماهى البشرى جات غير ساره

وشافوا القسوة بام العين

واحد يبكى التانى ينوح

والشيخ واخد عزم متين

لازم الكل يلزم حاله

وويا العدل الكل امين

اخدوا طريحه عملوا سطيحه

قالوا خلاص ياشيخ حسانين

مفيش سعبطه ولا فى شخبطه

خلاص م اليوم محنش لاعبين

نفسى العدل يكون بالعدل

ساعتها الظلم ملوش رجلين

===============

عونى هشام