علي ايه / بقلم - صفاء عبد ربه

علي ايه / بقلم - صفاء عبد ربه

علي ايه .....

**********

لا .. وعلي ايه 

سايق فيها أوي كدا ليه 

كل ماأقول بكره هايعقل 

ومن عاميله راح يخجل 

ألاقيك بتزيد زياده 

بتزيد حتي عن العاده 

علي ايه كل دا

إنت فاكر عليك هاموت 

لا .. ورحمة الجدود 

لو كانت تنحني الأسود 

يبقي ليك . ممكن أعود 

دا أنا كبريائي في السما 

كثير بقيت عليك إنما 

إستنفذت كل إللي كان 

رصيد صبري عليك زمان 

وشوقي دايما ليك 

وودمي إللي مزجته بيك

وحياة الحب إللي شيلتهولك 

والقلب إللي ملكتهولك 

والحنان إللي منحتهولك 

أنا راح أبدأ من جديد 

من غير تهديد ووعيد 

وهاخلي أيامي عيد

مش جاريه وياالسيد

وإنت خليك بعيد 

ويارب تكون سعيد

وتلاقي رفيق الغربه 

وماتعيش وحدك غريب 

ماهو كان فيه بينا عشره 

حقيقه مش قشره 

بكل إللي فيها من ذكريات 

ومهما كانت ألام وآهات 

بردوا مش هاتهون عليا 

ولا . هاتمنالك أسيه

بس ماعادشي عندي النيه 

إني تاني أعود إليك 

ولا عادت تسحرني نظرة منك 

ولا بتإثرني لمسة إيديك

بقلمي / صفاء عبد ربه