إسالى _القروى الساخر عبدالهادى الشعراوى
السلام عليكم ورحمة الله تعالى وبركاته
إسالى ( من ديوان انغام على جسور التنهدات )
................
 |
إسالى _القروى الساخر عبدالهادى الشعراوى |
إسالى وأنا هسمعك
بالجواب مش هخدعك
إزاى أخدع نبض قلب
عاش فى صمت يعشقك
إسالى وانا هسمعك
***
قلبى عاشق للجمال
حتى لو من غير وصال
زى عشقك للطبيعة
لما صفاها يندهك
إسالى وأنا هسمعك
***
يكفى بس انى اشوفك
مش مهم المس كفوفك
أصلى عشقى مالوهش زى
رغم صمتى بسمعك
إسالى وانا هسمعك
***
نفسى اطمن عليك
والفرح يسكن عينيك
مش مهم أعرف شعورك
ولا حتى اعيش معك
إسالى وانا هسمعك
....................
القروى الساخر
عبدالهادى الشعراوى
| نسخ الرابط | |
| نسخ للمواقع |
0 التعليقات
