كلمه ف سرك _ زين العابدين خضر

كلمه ف سرك _ زين العابدين خضر

بُص حاقولك كلمه ف سرك .. وابقي اعملها حلقه ف ودنك 

قبل ما تكبر يا ابنى وعُمرك .. لما يعـدي الدنيـا تـذلك

حب الخير للخير يوصلبك .. بر أمان وتكون إنسان  

وانت ف مدرسه أو ف الجامعه .. وانت ف منصب م الأعيان

أو مسكين بتلقط رزقك .. أو متوسط حال شقيان

يا ابنى الدنيا غروره وقلبك .. ممكن ياخدُه جمال الغِش

حاول لما تغازل عينك .. إوعي تلاقي حداك الوش

إعمل زي أبوك يا حبيبي .. لف الدنيا شرق وغرب

بس ف ثانيه لما بينوي .. عُمره ماتاه عن شكل الدرب

دنيا وزي ماليها عليها .. مره تحبك تخدك ليها

ومره تلاقي الغدر ماليها .. ولما بتقسي مالهاش قلب

اوعي تصدق لون ضحكتها .. صفرا وابوك بيميز جدا

قلبي دليلي ولما بتضحك .. يبقي الحزن مقرب جدا

ياابنى السكه طويله شويه أو ف القُصر يادوب خطوات

مهما حنمشي أو نترجل إحنا ف أخر الطور أموات